Oito obradoiros para todas as idades no Museo Pazo de Tor ata decembro

•Artes plásticas, cine e o Nadal compoñen a programación, ademais dun achegamento interdisciplinar á obra de Castelao

A deputada de Cultura, Pilar García Porto, e a xerente da Rede Museística Provincial, Encarna Lago, na presentación do programa.  GPDL
A deputada de Cultura, Pilar García Porto, e a xerente da Rede Museística Provincial, Encarna Lago, na presentación do programa. GPDL

•A Rede Museística Provincial está a poñer en marcha unha nova programación para todas as idades, e que se desenvolverá ata decembro nos catro centros que a Rede ten espallados pola nosa provincia. Segundo explicou a deputada de Cultura, Pilar García Porto, estas actividades, totalmente gratuítas, están dirixidas aos tres clubes da Rede, Pequeamig@s, Ei! e Senior, integrados por máis de 4.000 persoas de toda a provincia. «Impulsamos esta programación para achegar ao maior número de persoas  máis de 30 obradoiros», explicou García Porto.

PROGRAMA EN TOR
O 21 de outubro tivo lugar a primeira cita no Museo Pazo de Tor, co obradoiro «Cousas de animais», no que se traballou a técnica do gravado sobre temática extraída da obra de Castelao. O sábado 5 de novembro a partir das 11 horas celebrarase un obradoiro para nenos e nenas sobre as Irmandades da Fala. O venres 11 de novembro a partir das cinco haberá unha actividade para o club Senior, sobre arte cotiá en papel. O sábado 12 pola mañá, os máis cativos poderán disfrutar do obradoiro «Xogando co papel». O obradoiro «Grupo de cine» desenvolverase o 19 de novembro e o 10 de decembro, aberto a todas as idades. Xa en decembro, terán lugar varios obradoiros de Nadal.•

Deixa unha resposta

Your email address will not be published.

Nova Anterior

Actividades infantís, xornadas micolóxicas e mercado de produtos de tempada integran o programa «Outono na Praza»

Seguinte Nova

Nova exposición no Centro do Viño de Monforte

Últimas noticias sobre CULTURA

A %d blogueros les gusta esto: