Reclaman que o transporte escolar da Gándara cumpla os horarios

• A mediados de outubro, a ANPA do colexio A Gándara de Monforte fixo pública a súa queixa sobre o cumplimento dos horarios por parte das empresas do transporte escolar. A reclamación do colectivo de pais e nais xurdiu a raíz no novo horario do centro, que dende setembro deste ano remata a xornada escolar ás 16,45 horas de martes a venres, o que supón un adianto de dez minutos na hora de saída dos usuarios. A ANPA do CEIP A Gándara denunciou que unha das empresas que ofrece o servizo de transporte escolar “chega reiteradamente tarde ao centro, coa problemática que isto conleva”. Segundo as nais e pais, o retraso neste servizo provoca atascos nas inmediacións do colexio, risco de atropelos dos escolares que xa saíron do centro, bloqueo da rúa María Paz de Tor, e retraso na saída dos escolares que usan estas liñas de bus.
Ademais, a ANPA do colexio A Gándar critica que a empresa “chega tarde querendo, xa que teñen os buses parados” a escasos metros do centro, en concreto “na explanada do cemiterio ou diante do Bricoking facendo tempo para chegar tarde”.
Dende este colectivo de nais e pais reclaman “ás autoridade competentes que se poñan a traballar” para resolver o conflicto, “xa que coma sempre os perxudicados son os nenos e nenas do colexio”. A ANPA dá de prazo ata o mes de novembro, antes de “verse obrigados a tomar outro tipo de medidas de presión”.•

Deixa unha resposta

Your email address will not be published.

Nova Anterior

Ruta solidaria pola Serra do Courel a beneficio da asociación «Sonrisas Pelonas» de axuda a familias e nenos con cancro

Seguinte Nova

Seis centros do sur de Lugo desenvolverán programas propios de formación do profesorado

Últimas noticias sobre ASOCIACIONISMO

 
A %d blogueros les gusta esto: