Chantada acolleu as Xornadas de Internacionalización Galicia-Colombia

Organizadas pola Asociación de Adegueiros e Transformadores do Miño co apoio do programa Galicia Exporta

El pase de diapositivas requiere JavaScript.

• A comezos de novembro, Chantada converteuse na sede do intercambio comercial entre Galicia e Colombia. A vila do Asma acolleu, a partir do día 8, as Xornadas de Internacionalización Galicia-Colombia, organizadas pola Asociación de Adegueiros e Transformadores do Miño, co apoio do programa Galicia Exporta.
O encontro reuniu en Chantada a importadores, expertos en viño e xornalistas de medios especializados. Neste sentido, a Asociación convocante pretende con este evento aunar esforzos para incrementar a calidade e as exportacións dos viños da Ribeira Sacra.
A CALIDADE DOS NOSOS VIÑOS PERMITIRÁ AUMENTAR AS EXPORTACIÓNS
A inauguración das xornadas contou coa presenza do director do IGAPE, Javier Aguilera, quen fixo unha valoración do estado das exportacións galegas ao país americano. Segundo explicou o responsable do organismo autonómico, o ano pasado foron un total de 229 empresas galegas as que venderon os seus produtos no mercado colombiano. Esta cifra está a pór de manifesto o aumento das exportacións da nosa Comunidade ao país sudamericano. Aguilera explicou que nos últimos catro anos, medrou preto dun 75% o número de empresas galegas que exportaron a Colombia, e as exportacións de bebidas a este país incrementáronse nun 8,4% no que vai de ano. Con todo, o director do IGAPE precisou que hai moita marxe de mellora, dada a recoñecida calidade dos nosos viños.
Javier Aguilera lembrou o bo estado das exportacións galegas en xeral. Logo do record histórico do ano 2015, no que se acadaron os 18.830 millóns de euros en vendas, Galicia segue a aumentar a exportación, cun incremento do 5,4% ata agosto, catro veces máis que a media española.•

Deixa unha resposta

Your email address will not be published.

Nova Anterior

Melloras no aparcadoiro do Parque dos Condes de Monforte

Seguinte Nova

O grupo A Adala representará a comedia familiar «Unha morta moi viva» o domingo 13 en Pantón

Últimas noticias sobre ASOCIACIONISMO

A %d blogueros les gusta esto: