Completada a construción dun muro de contención no Castro de Liñarán en Sober

•Ademais, instalouse unha varanda de seguridade, e acondicionouse o firme do vial neste punto

El pase de diapositivas requiere JavaScript.

• O Concello de Sober continúa incrementando o número de actuacións de mellora en diversas infraestruturas rurais. Ademais de mellorar a calidade de vida, o conxunto das obras buscan resolver o estado de deterioro de infraestruturas e apostar pola seguridade de veciños e usuarios.
VARIAS MELLORAS NESTE PUNTO
Este é o caso do ensanche e construción dun muro de contención no Castro de Liñarán, “nun punto perigoso da estrada local que une esta parroquia con Neiras”, explicou o alcalde de Sober, Luis Fernández Guitián. O rexedor local precisou que, xunto co muro de pedra, colocouse unha varanda de protección na beira do vial, ademais de acondicionar o firme da estrada “para darlle maior seguridade” a este tramo en curva e de especial risco.
FINANCIAMENTO A CARGO DA XUNTA DE GALICIA
O alcalde explicou que as obras contaron cun orzamento de 20.350 euros, financiados na súa totalidade pola Consellería de Medio Rural dentro do Plan de Emerxencias que desenvolve a Xunta para a mellora, arranxo e posta en valor dos camiños municipais.
Fernández Guitián gabou a “boa acollida” da obra por parte dos veciños, así como dos usuarios que transitan habitualmente pola zona.•

Deixa unha resposta

Your email address will not be published.

Nova Anterior

O Goberno provincial ingresou 2,2 millóns de euros aos concellos para crear novos postos de traballo no programa DepuEmprego

Seguinte Nova

Presentan un fotolibro sobre a viticultura da Ribeira Sacra

Últimas noticias sobre EMPREGO

     
A %d blogueros les gusta esto: