En marcha as sesións divulgativas para maiores de toda a provincia sobre alimentación saudable

O programa AlimentaTIC está desenvolvido pola Fundación TIC da Deputación de Lugo, e terá presenza en todas as comarcas lucenses

O presidente da Deputación, Darío Campos Conde, posou cos participantes na actividade AlimentaTIC celebrada na Pontenova a finais de outubro. GPDL.
O presidente da Deputación, Darío Campos Conde, posou cos participantes na actividade AlimentaTIC celebrada na Pontenova a finais de outubro. GPDL.
• A mediados do mes pasado comezou o programa AlimentaTIC, unha iniciativa da Fundación TIC da Deputación de Lugo, destinado a promover unha alimentación saudable entre os maiores de 55 anos da nosa provincia.
O presidente da Deputación, Darío Campos, visitou aos participantes do AlimentaTIC celebrado na Pontenova, e destacou a importancia da alimentación en calquera etapa da vida. No caso dos maiores, Campos Conde lembrou a utilidade de ofrecer consellos e formación sobre nutrición saudable empregando ademais as novas tecnoloxías.
DIVULGACIÓN NUTRICIONAL E DEGUSTACIÓN DE PRODUTOS
O programa inclúe a celebración dun total de 15 obradoiros por todas as comarcas lucenses. Durante as actividades, os participantes reciben información sobre as características nutricionais dos alimentos, e sobre como elaborar menús saudables, equilibrados e asequibles. Para isto, o obradoiro dá acceso a unha guía de alimentación en formato dixital co deseño, entre outros exemplos, dun menú semanal saudable e consellos para comer ben por un prezo económico. No obradoiro, hai postos con produtos para degustación dos asistentes, que poden achegarse ao sabor e cualidades nutricionais dos diversos alimentos e das súas preparacións.•

Deixa unha resposta

Your email address will not be published.

Nova Anterior

Exposición en Lugo sobre a herdanza das Irmandades da Fala

Seguinte Nova

As xogadoras do Neumáticos Sarria, finalistas da Copa Galicia

Últimas noticias sobre INICIATIVAS

 
A %d blogueros les gusta esto: