Melloras no aparcadoiro do Parque dos Condes de Monforte

• O alcalde lembrou que este é o primeiro asfaltado que se acomete neste espazo público en 12 anos

O alcalde de Monforte, José Tomé, na presentación dos traballos de asfaltado do aparcadoiro do Parque dos Condes. GPCM
O alcalde de Monforte, José Tomé, na presentación dos traballos de asfaltado do aparcadoiro do Parque dos Condes. GPCM

• O Goberno local iniciou estes días os traballos de asfaltado e sinalización do aparcadoiro do Parque dos Condes. Segundo explicou o alcalde de Monforte, José Tomé, xa se poderá aparcar neste espazo na fin de semana.
O aparcadoiro público e gratuíto ten espazo para 300 vehículos, con tres prazas para persoas con mobilidade reducida, e outras 4 reservadas para autobuses. O rexedor local lembrou que o recinto «precisaba dunha mellora do seu pavimento e tamén da sinalización en xeral». Por este motivo, explicou Tomé, o Concello elaborou un proxecto de mellora que inclúe a aplicación dunha capa de rodadura con aglomerado en quente, así como dunha nova sinalización «que prevé xiros máis cómodos, sobre todo para os autobuses, para facilitar a entrada e saída». Tamén se vai desbrozar o perímetro que linda co colexio dos Escolapios.
O orzamento das obras ascende a 79.594 euros, financiados con fondos aportados pola Deputación de Lugo a través dun convenio co Concello de Monforte.
«Esta é unha obra moi importante, porque presta servizo a todos os veciños e tamén aos visitantes», explicou o alcalde. Tomé destacou tamén a «sostibilidade» da actuación, xa que se prevé «que dure moitos anos e sen apenas custes de mantemento». O alcalde lembrou que o último asfaltado se fixo hai 12 anos, e só se arranxaron algunhas fochancas, coas conseguintes dificultades para os usuarios.•

Deixa unha resposta

Your email address will not be published.

Nova Anterior

Ata o 23 de novembro para solicitar praza no programa «Xuntos no Nadal»

Seguinte Nova

Chantada acolleu as Xornadas de Internacionalización Galicia-Colombia

Últimas noticias sobre INFRAESTRUTURAS

A %d blogueros les gusta esto: