Presentan un fotolibro sobre a viticultura da Ribeira Sacra

•Baixo o título “Ex vite vita”, o libro de Mónica Noya evoca a viticultura como un xeito de vivir e unha tradición que evoluciona cos pobos •A Deputación de Lugo colabora na difusión do libro, que será distribuído gratuitamente entre os visitantes que cheguen á nosa provincia

A autora do fotolibro, Mónica Noya, na presentación da obra “Ex vite vita”, acompañada da deputada de Cultura, Pilar García Porto. GPDL.
A autora do fotolibro, Mónica Noya, na presentación da obra “Ex vite vita”, acompañada da deputada de Cultura, Pilar García Porto. GPDL.
• A comezos de novembro, tivo lugar no Pazo de San Marcos de Lugo a presentación do fotolibro “Ex vite vita”, asinado por Mónica Noya.
O VIÑO E A VIÑA, NEXO DE UNIÓN ENTRE AS PERSOAS E AS XERACIÓNS
A autora ofrece neste proxecto persoal, producido e publicado integramente pola propia creadora, un percorrido gráfico pola vida das xentes da viña, vinculadas polas tarefas e pola paisaxe na que se desenvolve, a Ribeira Sacra. Noya estivo acompañada na presentación pola deputada de Cultura, Pilar García Porto, que gabou este fotolibro documental como un traballo “de autor”. “Os lazos familiares e de amizade entre as diversas xeracións organízanse en torno ao traballo e á celebración, tendo ao viño como nexo de unión”, salientou García Porto.
A obra de Mónica Noya rompe as bases do documental clásico na toma de imaxes, a pesares de captar unha actividade con séculos de historia, xerando “unha nova mirada de documental”, próxima á vangarda artística, segundo explicaron os seus editores gráficos.
PROMOCIÓN DA RIBEIRA SACRA FÓRA DA NOSA PROVINCIA
García Porto lembrou que a Deputación potencia a Ribeira Sacra a través da colaboración na difusión da obra “Ex vite vita”. O fotolibro distribuirase de xeito gratuíto este libro entre os visitantes que veñan á provincia, co obxectivo de dar a coñecer a Ribeira Sacra fóra das fronteiras lucenses.•

Deixa unha resposta

Your email address will not be published.

Nova Anterior

Completada a construción dun muro de contención no Castro de Liñarán en Sober

Seguinte Nova

Nova sinalización turística nas entradas a Monforte

Últimas noticias sobre CULTURA

A %d blogueros les gusta esto: