• O Camiño de Santiago está a contar cunha nova ferramenta tecnolóxica de apoio aos peregrinos. A Xunta de Galicia, a través da Axencia para a Modernización Tecnolóxica de Galicia (AMTEGA) e Turismo de Galicia, puxo en marcha en maio unha aplicación móbil que xa suma máis de 7.300 descargas.
Segundo explicaron os responsables, a aplicación enmárcase dentro do proxecto Smart Camiño, e supón unha mostra máis da aposta da Xunta pola innovación, a calidade e a competitividade no sector turístico.
Os usuarios poderán obter información, actualizada e en tempo real, sobre as rutas oficiais do Camiño dende que entran en Galicia, o que lles permitirán contar cunha ferramenta de acompañamento e orientación durante a súa viaxe. Ademais da información cultural e patrimonial de cada ruta, os peregrinos poderán encontrar na aplicación móbil datos sobre restaurantes, albergues, aloxamentos e todo tipo de servizos. A aplicación ofrece tamén información meteorolóxica, aportada por Meteogalicia, e datos sobre emerxencias e centros de saúde.
O dispositivo fai posible a utilización da realidade aumentada para visualizar todos os puntos de interese nas proximidades do lugar onde se atope o usuario.•
Cargando ...
