Convenio de 235.500 euros entre a Deputación e o Concello de Sarria

•Son 14 os concellos beneficiados cos novos convenios provinciais, que a Deputación asinou este mes por importe total de 2,3 millóns de euros

•O convenio asinado co Concello de Pantón destina 60.000 euros para mellora do abastecemento de auga en 5 núcleos rurais

A alcaldesa de Sarria, Pilar López, e o alcalde de Pantón, José Luis Álvarez, acompañados polos alcaldes dos outros 12 concellos asinantes dos convenios, posan co presidente da Deputación de Lugo, Darío Campos Conde, o pasado 14 de novembro. GPDL.
A alcaldesa de Sarria, Pilar López, e o alcalde de Pantón, José Luis Álvarez, acompañados polos alcaldes dos outros 12 concellos asinantes dos convenios, posan co presidente da Deputación de Lugo, Darío Campos Conde, o pasado 14 de novembro. GPDL.
• A mediados de novembro, tivo lugar na capital provincial a sinatura dos novos convenios da Deputación de Lugo con 14 concellos, e polos que o organismo provincial destina aos municipios 2,3 millóns de euros para a mellora dos servizos públicos no rural.
CAMPOS CONDE: “QUEREMOS UNHA DEPUTACIÓN CO RURAL E COAS PERSOAS”
Nesta partida, o Concello de Sarria percibe 235.500 euros que se investirán no arranxo da Ponte Ribeira, en melloras na piscina municipal e no edificio do Consistorio, así como na organización de actividades educativas e culturais. Segundo explicou o presidente da Deputación de Lugo, Darío Campos Conde, “queremos unha Deputación co rural, unha Deputación social e unha Deputación coas persoas, que atenda ás necesidades de cada un dos máis de 350.000 veciños da provincia”. Outro dos municipios do sur de Lugo beneficiados nesta nova partida provincial é Pantón, que recibe 60.000 euros para mellorar o abastecemento de auga nos núcleos rurais de Guítara, Toldaos, Curro, Verdeal e Goián.
Pola súa banda, a Deputación destina ao concello de Láncara un total de 150.000 euros, que se investirán no acondicionamento de estradas e accesos municipais aos núcleos rurais de Vilarello, Armeá de abaixo, Ronfe, Sobrerriba, Busto-Cedro, Armada. Villouzan, Cabezais, Louseiro-Toldaos e Monseiro.
MELLORAS VIARIAS E DE SERVIZOS NO RURAL LUCENSE
Os importes dos convenios asinados o día 14 deste mes servirán para acondicionar infraestruturas viarias no eido rural, tanto estradas como accesos a núcleos, ademais de mellorar os sistemas de abastecemento de auga. Nalgúns casos, as actuacións financiadas por estes convenios están vinculadas ao acondicionamento de edificios de uso público, como a rehabilitación do Consistorio de Begonte, o arranxo do pavillón polideportivo de Ourol, ou o auditorio municipal de Ribadeo. En Alfoz, parte do investimento provincial a través deste convenio servirá para mellorar a potabilizadora. A mellora dos espazos públicos vinculados ao turismo tamén teñen a súa partida, como no caso das novas actuacións previstas na praia fluvial do Chamoso en O Corgo, ou o acondicionamento dun tramo do Camiño de Santiago ao seu paso polo municipio de Lourenzá. •

Deixa unha resposta

Your email address will not be published.

Nova Anterior

Reunión do alcalde de Monforte e o conselleiro de Política Social

Seguinte Nova

O ximnasio Neka completa con 18 medallas as últimas competicións previas ao Campionato de España de clubes

Últimas noticias sobre ECONOMÍA

   
A %d blogueros les gusta esto: