•A vila xacobea acolleu un Taller de Emprendemento e Creatividade orientado ao pequeno comercio
• O día 22, tivo lugar en Sarria o Taller de Emprendemento e Creatividade, destinado ao comercio de proximidade. O taller estivo organizado pola Federación Galega de Comercio, en colaboración con ACES-Sarria e a Dirección Xeral de Comercio da Xunta de Galicia. A actividade, que se está a desenvolver nas catro provincias galegas, ten como obxectivo fomentar o coñecemento en materia de consumo, referido a promocións, prezos ou follas de reclamacións, entre outros aspectos, ademais de informar sobre canles de pago e procesos dixitais. O taller completouse coa exposición de diversas experiencias comerciais de éxito.
Segundo explicou a directora xeral de Comercio, Sol Vázquez Abeal, a Xunta está a apostar polo establecemento do «smart commerce», un novo modelo de comercio intelixente que sitúe ao cliente no centro da súa estratexia. •
