•Anunciaron que o centro de continuidade do Infanta Elena será unha realidade en 2017
• O centro de continuidade do colexio Infanta Elena “será unha realidade para o vindeiro curso en 2017”. Así o anunciou o alcalde de Monforte, José Tomé Roca, logo do encontro de traballo mantido en Santiago co conselleiro de Política Social, José Manuel Rey Varela, o pasado día 22. Dende a Consellería avanzaron que o proxecto de construción xa está redactado, e atópase en fase de revisión para a súa próxima adxudicación. A Xunta destina 310.000 euros a este centro, que contará con 25 prazas ocupacionais e 10 residenciais. Segundo explicaron dende o Concello, este novo servizo ubicarase no actual Centro de Capacitación Agraria.
PRAZAS DE GARDERÍA
Outro dos temas do encontro foi o déficit de prazas de gardería na cidade do Cabe. O alcalde trasladou que a Consellería vai ter o obxectivo de dotar a Monforte dunha gardería pública a medio prazo. Tomé Roca insistiu no encontro con Rey Varela en que as prazas existentens “non dan resposta á demanda actual”, e incluso “algunhas familias levan aos seus fillos a outros concellos limítrofes”. Tomé lamentou que “sendo Monforte o segundo núcleo de poboación da provincia non teñamos ningunha gardería pública da Xunta”.•
Outro dos temas do encontro foi o déficit de prazas de gardería na cidade do Cabe. O alcalde trasladou que a Consellería vai ter o obxectivo de dotar a Monforte dunha gardería pública a medio prazo. Tomé Roca insistiu no encontro con Rey Varela en que as prazas existentens “non dan resposta á demanda actual”, e incluso “algunhas familias levan aos seus fillos a outros concellos limítrofes”. Tomé lamentou que “sendo Monforte o segundo núcleo de poboación da provincia non teñamos ningunha gardería pública da Xunta”.•
