• A comezos de decembro, a Asociación Veciña do Saviñao entregou ao Concello un documento no que se recollen a totalidade das fontes públicas do municipio que actualmente están en uso polos veciños. O censo, que rexistra un total de 48 fontes de acceso público, responde ao acordado por este colectivo na reunión mantida co rexedor do Saviñao o pasado 18 de outubro. Con este censo, a Asociación esixe ao Goberno local que realice as análises para determinar a potabilidade da auga en cada fonte, así como sinalizar se son aptos para o consumo.
VILELOS E DIOMONDI, AS PARROQUIAS CON MÁIS FONTES PÚBLICAS
Segundo os datos recollidos no censo elaborado pola Asociación Veciña do Saviñao, a parroquia con máis fontes públicas en uso é Vilelos, cun total de seis, situadas nos lugares de Vilelos, Vilaseco, Santa Cruz, Besta, Susmil e Santa Mariña. Pola súa banda, cinco son as fontes catalogadas na parroquia de Diomondi, localizadas en Belesar, Diomondi, Galegos, Piñeiro e Bexán.
A maioría das fontes contabilizadas no censo elaborado por este colectivo veciñal presentan un claro carácter público, agás a situada no lugar de Casadonas, na parroquia de Licín, que presenta dúbidas sobre a súa titularidade.
Outra das singularidades detectadas no censo refírese á presenza de lavadoiros asociados ás fontes, como no caso da situada no lugar de Pereiras, na parroquia de San Vitorio de Ribas de Miño, e na de Córneas, na parroquia de Vilaesteva.•
Segundo os datos recollidos no censo elaborado pola Asociación Veciña do Saviñao, a parroquia con máis fontes públicas en uso é Vilelos, cun total de seis, situadas nos lugares de Vilelos, Vilaseco, Santa Cruz, Besta, Susmil e Santa Mariña. Pola súa banda, cinco son as fontes catalogadas na parroquia de Diomondi, localizadas en Belesar, Diomondi, Galegos, Piñeiro e Bexán.
A maioría das fontes contabilizadas no censo elaborado por este colectivo veciñal presentan un claro carácter público, agás a situada no lugar de Casadonas, na parroquia de Licín, que presenta dúbidas sobre a súa titularidade.
Outra das singularidades detectadas no censo refírese á presenza de lavadoiros asociados ás fontes, como no caso da situada no lugar de Pereiras, na parroquia de San Vitorio de Ribas de Miño, e na de Córneas, na parroquia de Vilaesteva.•
