Actividades para todos no Nadal de Monforte

O alcalde de Monforte, José Tomé, e os concelleiros Gloria Prada, José Luis Losada, e Marina Doutón, no acendido das luces de Nadal, o 9 de decembro. GPCM
O alcalde de Monforte, José Tomé, e os concelleiros Gloria Prada, José Luis Losada, e Marina Doutón, no acendido das luces de Nadal, o 9 de decembro. GPCM

• A programación de Nadal que organiza o Concello de Monforte comezou o día 9 deste mes, co acendido das luces decorativas nas rúas da cidade. O Concello destinou á iluminación de Nadal un total de 17.000 euros, un importe similar ao do ano pasado, que permitirá manter unha distribución similar das luces navideñas.
Outras das actividades organizadas polo Concello van destinadas aos escolares, coa convocatoria do Concurso de Beléns para centros educativos, e o Certame de Poesía Infantil da Biblioteca Municipal. Así mesmo, a 18ª Mostra de Panxoliñas para centros educativos celebrarase o día 20, ás 18 horas, no Multiusos. Tamén nesta mesma sede terá lugar, o día 29 a partir das 20 horas, a representación da obra de teatro infantil “Os Rockenstein”, a cargo de Malasombra Producións.
A programación complétase co Festival de Nadal do Conservatorio, o mércores 21 ás 20 horas no Multiusos. Pola súa banda, a igrexa dos Escolapios acollerá, o venres 23 ás 20 horas, o Concerto de Corais Nadal 2016, coa participación da Coral Polifónica de Quiroga, a ourensá de Viladauga de Lais, e a Coral Polifónica de Monforte. Por último, o día 26 terá lugar o concerto de Nadal que organiza a Sociedade Filarmónica de Monforte, na Casa da Cultura ás 20,15 horas.
A Cabalgata de Reis porá punto e final aos eventos de Nadal, o 5 de xaneiro, coa chegada dos Reis á  estación do tren ás 17 horas, e a participación do alumnado de 6º de Primaria dos colexios.•

Deixa unha resposta

Your email address will not be published.

Nova Anterior

Nadal no comercio de Sarria

Seguinte Nova

A nova lei de benestar animal defenderá o sacrificio cero e loitará contra o maltrato

Últimas noticias sobre CULTURA

A %d blogueros les gusta esto: