A Consellería de Cultura vai retomar o vindeiro ano as axudas específicas para Escolas de Bandas de Música. Así o anunciou o conselleiro de Cultura, Educación e Ordenación Universitaria, Román Rodríguez, na clausura do X Certame Galego de Bandas de Música, celebrado a finais de novembro en Compostela. Rodríguez destacou que as axudas contribuirán ao funcionamento destas escolas, con “importante labor formativa” , como unha “aposta polo ensino musical a nivel local”. O conselleiro lembrou a estreita relación entre as bandas de música e as escolas e conservatorios locais. Así mesmo, Román Rodríguez gabou a importancia das bandas de música no fomento das relacións humanas entre os músicos, así como a formación en valores cívicos que aportan, como o traballo en equipo e a asunción de responsabilidades.•
