• Os contratados reforzan os servizos públicos nos concellos • A Deputación asume os custos laborais destes traballadores, que antes estaban no paro • Dos 97 empregados, 29 son da zona sur de Lugo
• A comezos deste mes, a Deputación de Lugo deu a coñecer os primeiros resultados do DepuEmprego, o programa que o organismo provincial está a desenvolver nos Concellos de menos de 20.000 habitantes para xerar novos postos de traballo. Segundo explicaron dende a Deputación, un total de 97 lucenses que estaban en paro empezaron a traballar en 29 concellos da provincia. Os responsables do DepuEmprego suliñaron que este plan vai cumprir unha dobre función «en beneficio dos lucenses e do rural», xa que, por unha banda, se está a crear emprego, e por outra, se reforzan os servizos públicos que prestan os Concellos.
A DEPUTACIÓN PAGA OS CUSTOS LABORAIS DOS TRABALLADORES
A Deputación financia os custos laborais dos contratados no DepuEmprego, cunha achega total de 3 millóns de euros. Esta partida permitiría, segundo explicaron dende o organismo provincial, a contratación dun total de 263 persoas. Os fondos repartíronse entre os Concellos segundo os criterios de taxa de paro, superficie, entidades de poboación e núcleos poboacionais. Tendo en conta a aportación para cada municipio, os concellos elaboraron os perfís que máis lles interesaban, segundo as súas necesidades, e presentaron as correspondentes solicitudes á Deputación.
A Deputación financia os custos laborais dos contratados no DepuEmprego, cunha achega total de 3 millóns de euros. Esta partida permitiría, segundo explicaron dende o organismo provincial, a contratación dun total de 263 persoas. Os fondos repartíronse entre os Concellos segundo os criterios de taxa de paro, superficie, entidades de poboación e núcleos poboacionais. Tendo en conta a aportación para cada municipio, os concellos elaboraron os perfís que máis lles interesaban, segundo as súas necesidades, e presentaron as correspondentes solicitudes á Deputación.
31 NOVAS CONTRATACIÓNS NO SUR DE LUGO
As primeiras 97 contratacións inclúen 31 novos postos de traballo nos Concellos do sur de Lugo. Así, na comarca de Quiroga, contratáronse un peón e un animador turístico en Folgoso do Courel, mentres que en Quiroga incorporáronse cinco traballadores, para os postos de electricista, albanel, limpiador, técnico medioambiental, animador sociocultural e auxiliar administrativo. Na comarca de Chantada, o Concello de Carballedo incorporou un informador turístico e dous peóns de servizos múltiples, mentres que en Taboada comezaron a traballar un peón de obras, dous oficiais de primeira e un monitor de deportes.
Na comarca de Lemos, os contratados polo DepuEmprego corresponden, por unha banda, a Sober, con dous peóns de servizos, un pintor, un técnico turismo, un auxiliar de viticultura, un monitor deportivo e un técnico. En Monforte, contratáronse dous peóns de servizos e un auxiliar administrativo. A Pobra do Brollón contratou a un técnico medioambiental e un peón forestal, e Bóveda dous peóns. Por último, Pantón incorporou un peón de mantemento e un traballador social.
Outros 10 concellos lucenses están a tramitar a contratación de 32 novos traballadores, como é o caso do Incio, que incorporará en breve a oito peóns.•
As primeiras 97 contratacións inclúen 31 novos postos de traballo nos Concellos do sur de Lugo. Así, na comarca de Quiroga, contratáronse un peón e un animador turístico en Folgoso do Courel, mentres que en Quiroga incorporáronse cinco traballadores, para os postos de electricista, albanel, limpiador, técnico medioambiental, animador sociocultural e auxiliar administrativo. Na comarca de Chantada, o Concello de Carballedo incorporou un informador turístico e dous peóns de servizos múltiples, mentres que en Taboada comezaron a traballar un peón de obras, dous oficiais de primeira e un monitor de deportes.
Na comarca de Lemos, os contratados polo DepuEmprego corresponden, por unha banda, a Sober, con dous peóns de servizos, un pintor, un técnico turismo, un auxiliar de viticultura, un monitor deportivo e un técnico. En Monforte, contratáronse dous peóns de servizos e un auxiliar administrativo. A Pobra do Brollón contratou a un técnico medioambiental e un peón forestal, e Bóveda dous peóns. Por último, Pantón incorporou un peón de mantemento e un traballador social.
Outros 10 concellos lucenses están a tramitar a contratación de 32 novos traballadores, como é o caso do Incio, que incorporará en breve a oito peóns.•
