Os deportistas do Neka consiguen 9 medallas no Campionato de España

•Laura Álvarez proclamouse campiona de España • Tamén acadaron o ouro José Roca, Álex Camba e Carlos Rey na modalidade de trío •Tres pratas e catro bronces completan o medalleiro dos taekwondistas do Neka na gran cita nacional

Os nove medallistas do Neka celebran o triunfo. (Foto cedida).
Os nove medallistas do Neka celebran o triunfo. (Foto cedida).
• O ano 2016 remata para o ximnasio Neka de Monforte cun novo éxito en competición. O Campionato de España de Clubes, celebrado en Alicante do 8 ao 11 de decembro, rematou para os de Monforte cun total de nove medallas, un resultado “que nin eu mesmo esperaba”, segundo comentou o adestrador José Mª Vega. A gran cita do ano para os clubes españois era o principal desafío do ximnasio monfortino, que demostrou contar con deportistas de primeiro nivel. “Estes chavales son unha pasada”, eran as palabras do técnico monfortino e responsable do club Neka logo de que os seus deportistas sumaran estes nove metais ao palmarés do ximnasio.
Os deportistas do Neka Álex Camba, José Roca e Carlos Rey proclamáronse campións de España 2016 na modalidade de trío, na proba nacional celebrada do 8 ao 11 de decembro en Alicante  (Foto cedida).
Os deportistas do Neka Álex Camba, José Roca e Carlos Rey proclamáronse campións de España 2016 na modalidade de trío, na proba nacional celebrada do 8 ao 11 de decembro en Alicante (Foto cedida).
DOBLETE DE ÁLEX CAMBA, CUN OURO EN TRÍO E UNHA PRATA EN INDIVIDUAL
A competición nacional deixou dous ouros en Monforte. Laura Álvarez proclamouse campiona de España na súa categoría, mentres que José Roca, Álex Camba e Carlos Rey convertíanse en campións de España na modalidade de trío. Pola súa parte, Camba rematou cun doblete a nivel individual, ao conseguir a medalla de prata, quedando por diante do actual representante da selección española.
A prata foi o premio ao traballo en competición de Carlos Fernández. Pola súa banda, Daniel Areán convertíase no heroe deportivo de Taboada, ao subir ao podio como subcampión de España. Vega salientou a “euforia” coa que se viviu a medalla do taboadés na súa localidade, e destacou o “mérito especial” de Areán pola súa constancia ao vir entrenar a Monforte.
En Alicante tamén “foi o día” para Marco García, que acadou un bronce “que era cuestión de tempo”, segundo explicou Vega. Cun bronce foron premiados os deportistas Luis García, Raúl García e Rodrigo Huanay en trío.
Laura Álvarez, do ximnasio Neka, coa súa medalla de ouro tras proclamarse campiona de España de taekwondo. (Foto cedida).
Laura Álvarez, do ximnasio Neka, coa súa medalla de ouro tras proclamarse campiona de España de taekwondo. (Foto cedida).
Daniel Areán, deportista de Taboada, foi subcampión de España en Alicante. (F. cedida).
Daniel Areán, deportista de Taboada, foi subcampión de España en Alicante. (F. cedida).
ESTREO NO PODIO NACIONAL DE FREESTYLE PARA OS DE NEKA
O medalleiro no Neka tivo como novidade este ano a consecución dos primeiros podios na modalidade de freestyle. A parella formada por Meritxell Varela e Rodrigo Huanay logrou un bronce, e o mesmo recoñemento tivo a parella freestyle de Elena Varela e Álex Camba.
En técnica, cabe destacar a actuación de Carla Pardo, que rematou décima, e de Yasmín Rodríguez, no posto 19, ambas en categoría individual.
Na proba de combate, a sorte non acompañou nos cruces aos deportistas de Neka no Campionato de España. O actual campión galego, Junior Martínez, completaba un contundente 7-0 no primeiro combate, para rozar o podio no segundo, cun axustadísimo 9-7 fronte ao representante de España no último Mundial. Tampouco a fortuna estivo do lado de Víctor Iglesias e Elena Varela, aínda que o seu desafío segue en pé para a próxima competición.•
Marco García acadou un dos catro bronces logrados polo Neka en Alicante. (F. cedida).
Marco García acadou un dos catro bronces logrados polo Neka en Alicante. (F. cedida).

Deixa unha resposta

Your email address will not be published.

Nova Anterior

Monforte perpetúa o roteiro vital e literario de Manuel María

Seguinte Nova

O servizo de Teleasistencia da Deputación de Lugo sumou outros 119 novos usuarios

Últimas noticias sobre ASOCIACIONISMO

A %d blogueros les gusta esto: