Os portavoces dos catro grupos parlamentarios falarán sobre «Perspectivas para Galicia nesta lexislatura»
O Círculo Saviñao de Escairón comeza o ano cun novo ciclo de conferencias, nas que participarán os catro portavoces dos grupos parlamentarios de Galicia. As sesións xirarán en torno ás «Perspectivas para Galicia nesta lexislatura», e iniciaranse coa intervención de Luís Villares, portavoz do grupo En Marea na Cámara galega, o sábado 14 de xaneiro. A quenda seguinte terá como protagonista a Xoaquín Fernández Leiceaga, voceiro do grupo parlamentario socialista, que falará o venres 27 de xaneiro.
No mes de febreiro, intervirá Ana Pontón, portavoz parlamentaria do Bloque Nacionalista Galego, o sábado 4 de febreiro, e pechará o ciclo o voceiro do grupo parlamentario do Partido Popular, Pedro Puy, o sábado 18.
As sesións terán lugar ás 20,00 horas, con entrada libre e gratuíta.
