A estrela do fútbol feminino internacional defendeu a igualdade entre homes e mulleres nesta disciplina

Vero Boquete estivo acompañada pola secretaria xeral da Igualdade, Susana López Abella, e a secretaria xeral para o Deporte, Marta Míguez, na súa visita a Chantada a finais de decembro. GPXG

• O IES Lama das Quendas de Chantada despediu o primeiro trimestre do curso escolar coa visita da futbolista Vero Boquete. A estrela do fútbol internacional feminino estivo no centro chantadino para promover os valores de igualdade entre mulleres e homes no mundo do deporte.
A figura de Boquete como referente para as mulleres no deporte está avalado polo seu amplo currículo como futbolista de alto nivel nun eido tradicionalmente masculino. Ademais, Vero Boquete ostenta actualmente o cargo de embaixadora UEFA para o desenvolvemento do fútbol feminino.
A deportista estivo acompañada en Chantada pola secretaria xeral de Igualdade, Susana López Abella, e a secretaria xeral para o Deporte, Marta Míguez. Ambas destacaron a importancia da testemuña de Boquete para fomentar a igualdade no deporte. Esta tarefa estase a desenvolver na Escola Vero Boquete, que vén de asinar un protocolo de actuación coa Secretaría Xeral da Igualdade para realizar diversas actividades neste eido.•