Presentan a Asociación Chantada contra o Cancro

Este colectivo, pioneiro no sur de Lugo, nace como espazo para compartir experiencias, apoiar a enfermos e familiares, promover hábitos saudables e realizar actividades divulgativas

Os promotores da Asociación Chantada contra o Cancro presentaron a iniciativa a finais de decembro, co concerto benéfico de Iago Cid a beneficio deste colectivo.  (Foto: Kris Pereira's).
Os promotores da Asociación Chantada contra o Cancro presentaron a iniciativa a finais de decembro, co concerto benéfico de Iago Cid a beneficio deste colectivo. (Foto: Kris Pereira’s).
• O sur de Lugo conta dende o mes pasado cun novo colectivo cidadán. A Asociación Chantada contra o Cancro xurdiu «para dar resposta a un problema que afecta a moitas persoas, aos seus familiares e ao seu entorno». Segundo explicou en rolda de prensa a presidenta deste colectivo, María Jesús Rodríguez, «era preciso xuntarse para dar apoio aos enfermos e familias, compartir experiencias e información». A Asociación é o primeiro colectivo de loita contra o cancro que se creou no sur de Lugo.
ABERTA A TODAS AS PERSOAS DA CONTORNA
Os seus promotores explicaron que a Asociación Chantada contra o Cancro está aberta a calquer persoa dos concellos da contorna que queira unirse e tomar parte nesta iniciativa.
A Asociación Chantada contra o Cancro xa está constituída, á espera de perfilar aspectos como a cota de socio ou a concreción do programa de actividades. Coa presentación oficial do colectivo, que tivo lugar en Chantada o 20 de decembro, deuse a coñecer o primeiro evento organizado pola asociación. O músico Iago Cid ofreceu, o día 23, un concerto solidario, a beneficio de Chantada contra o Cancro, na adega Vía Romana. Os responsables da asociación agradeceron a colaboración desta adega chantadina, do propio músico Iago Cid, e dos establecementos Restaurante Pulpería Os Pendellos, Capitol Café e Mar&Bellota.
A Asociación Chantada contra o Cancro ten previsto desenvolver conferencias e obradoiros divulgativos sobre esta enfermidade e sobre a promoción de hábitos saudables.
As persoas interesadas poden contactar coa asociación en chantadacontraocancroasoc@gmail.com, ou no facebook fb.com/chantadacontraocancro.•

Deixa unha resposta

Your email address will not be published.

Nova Anterior

A futbolista Vero Boquete falou en Chantada sobre a igualdade no deporte

Seguinte Nova

O CB Sarria aposta pola seguridade e a saúde no deporte

Últimas noticias sobre ASOCIACIONISMO

A %d blogueros les gusta esto: