A XXXV Feira do Viño de Chantada abre o calendario de festas enolóxicas

•A vila do Asma acollerá esta cita os días 10, 11 e 12 de marzo

A XXXV Feira do Viño de Chantada celebrarase os días 10, 11 e 12 de marzo. Arquivo EC
A XXXV Feira do Viño de Chantada celebrarase os días 10, 11 e 12 de marzo. Arquivo EC
• Xa está todo listo para iniciar en Chantada o calendario de festas en torno ao viño no sur de Lugo. Do 10 ao 12 de marzo, terá lugar na vila do Asma a XXV Feira do Viño de Chantada, que ofrece un amplo programa de música tradicional, orquestras e actividades para os máis cativos.
OBRADOIROS E OCIOTECA INFANTIL TODA A FIN DE SEMANA
O sábado e o domingo, en horario de 12 a 14 horas e de 16 a 20 horas, desenvolveranse na Casa da Música obradoiros e ociotecas infantís para nenos e nenas maiores de 3 anos.
AMPLO PROGRAMA MUSICAL
O venres 10 de marzo abriranse ás oito da tarde os stands das adegas participantes, e á noite, actuará o grupo Nebraska a partir das once.
Xa o sábado 11 de marzo, haberá espazo para a música dende as once, coa actuación na carpa dos gaiteiros da Escola Tradicional de Música de Chantada, o grupo de Zanfoña da Tradescola de Lugo, e a actuación de Searas. A mañá rematará co tradicional concerto da Banda Municipal de Música de Chantada. Pola tarde, a festa retomarase ás cinco, coa música da charanga Garrafon.com, Festicultores, Grupo de Zanfoñas da Tradescola de Lugo, e Searas. Á noite será a quenda das orquestras, coa actuación, dende as nove, de Saudade e Israel.
A xornada do domingo 12 de marzo abrirase ás once cos gaiteiros Os Barrios, Os Frades do Convento e a charanga NBA, mentres ten lugar a cata oficial da XXXV Feira do Viño de Chantada. Xa ás doce, actuará a Banda de Gaitas do Concello de Chantada, e a continuación terá lugar a lectura do pregón, a cargo do xornalista Bieito Rubido Ramonde. Pola tarde, amenizarán a feira as charangas NBA e Ardores, e ás sete actuará a orquestra Solara.•

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

Novos traballos de asfaltado nas rúas de Monforte

Seguinte Nova

O Entroido no sur de Lugo, en imaxes

Últimas noticias sobre ASOCIACIONISMO

Chantada contra o cancro

A solidariedade e a conciencia social uníronse en Chantada nunha loita colectiva contra o cancro. No pasado mes de decembro, a directiva
Ir aInicio

Don't Miss