•Seis concellos lucenses crean bolsas de vivendas sociais con inmobles desocupados
• Un total de seis municipios lucenses, entre os que están Monforte de Lemos e A Pobra do Brollón, sumáronse en febreiro ao programa de Vivendas Baleiras que promove a Xunta de Galicia, a través da Consellería de Infraestruturas e Vivenda.
39 CONCELLOS GALEGOS
A sinatura do convenio tivo lugar en Santiago o pasado 21 de febreiro, e contou coa presenza do rexedor monfortino, José Tomé, e do alcalde de A Pobra, José Luis Maceda, ademais dos rexedores de Mondoñedo, Guitiriz, Trabada e Viveiro. Actualmente, o programa de Vivendas Baleiras da Xunta conta con 39 concellos adheridos en toda a Comunidade.
Segundo lembrou a conselleira de Infraestruturas e Vivenda, Ethel Vázquez, na sinatura do convenio, o programa ten como obxectivo prioritario crear unha bolsa de vivendas desocupadas para destinalas a alugueiro social, incorporando inmobles pertencentes a particulares, empresas ou organismos, e contando coa implicación da Administración local.
O convenio establece un límite de prezos para a renda do aluguer, que oscila entre os 300 euros no caso dos concellos de Viveiro e Monforte, e os 250 no caso de A Pobra do Brollón e os outros tres concellos lucenses adheridos ao programa. A contía final da renda estará determinada polas características de cada vivenda e polas circunstancias particulares dos beneficiarios.
A idea do programa é tratar de que o alugueiro resulte interesante para ámbalas dúas partes. Segundo precisou a conselleira, o programa busca que ao propietario lle compense incorporar a este programa pola renda que vai recibir, e que ao beneficiario lle resulte asequible a renda de aluguer, que será compatible con calquera outra axuda recibida do Concello ou da Xunta.
As vivendas están aseguradas pola Xunta, cun seguro multirrisco do fogar e outro de garantía de cobro da renda.•
A sinatura do convenio tivo lugar en Santiago o pasado 21 de febreiro, e contou coa presenza do rexedor monfortino, José Tomé, e do alcalde de A Pobra, José Luis Maceda, ademais dos rexedores de Mondoñedo, Guitiriz, Trabada e Viveiro. Actualmente, o programa de Vivendas Baleiras da Xunta conta con 39 concellos adheridos en toda a Comunidade.
Segundo lembrou a conselleira de Infraestruturas e Vivenda, Ethel Vázquez, na sinatura do convenio, o programa ten como obxectivo prioritario crear unha bolsa de vivendas desocupadas para destinalas a alugueiro social, incorporando inmobles pertencentes a particulares, empresas ou organismos, e contando coa implicación da Administración local.
O convenio establece un límite de prezos para a renda do aluguer, que oscila entre os 300 euros no caso dos concellos de Viveiro e Monforte, e os 250 no caso de A Pobra do Brollón e os outros tres concellos lucenses adheridos ao programa. A contía final da renda estará determinada polas características de cada vivenda e polas circunstancias particulares dos beneficiarios.
A idea do programa é tratar de que o alugueiro resulte interesante para ámbalas dúas partes. Segundo precisou a conselleira, o programa busca que ao propietario lle compense incorporar a este programa pola renda que vai recibir, e que ao beneficiario lle resulte asequible a renda de aluguer, que será compatible con calquera outra axuda recibida do Concello ou da Xunta.
As vivendas están aseguradas pola Xunta, cun seguro multirrisco do fogar e outro de garantía de cobro da renda.•
