O Concello de Monforte activou a súa sede electrónica

•Xa se poden tramitar por internet os documentos que antes había que entregar presencialmente no Rexistro •A operatividade deste servizo irase completando pouco a pouco

A tenente de alcalde do Concello de Monforte, Gloria Prada, explicou o funcionamento da sede electrónica municipal. GPCM
A tenente de alcalde do Concello de Monforte, Gloria Prada, explicou o funcionamento da sede electrónica municipal. GPCM
• Dende o 20 de febreiro, xa está operativa a sede electrónica do Concello de Monforte. Segundo explicou a tenente de alcalde, Gloria Prada, esta ferramenta permite aos cidadáns realizar calquer tipo de trámite co Concello dende a súa casa e a través de internet.
EN CUMPLIMENTO DA NOVA LEI ESTATAL SOBRE ADMINISTRACIÓN ELECTRÓNICA
Prada lembrou que “aínda queda por diante un traballo enorme para conseguir o 100% da operatividade” deste servizo, posto en marcha para dar cumplimento á lei que regula as relacións entre as administracións públicas e os cidadáns. O obxectivo desta lei é implantar unha administración completamente electrónica e interconectada.
CONSULTA DE ACCESO LIBRE E FACTURA ELECTRÓNICA
Gloria Prada explicou os detalles de funcionamento da sede electrónica municipal. Así, a sede conta cunha zona de acceso libre, na que se pode atopar información sobre a normativa de funcionamento desta ferramenta de xestión, o perfil do contratante e a factura electrónica.
ESPAZOS CON CERTIFICACIÓN ELECTRÓNICA
Outro dos espazos que se atopan na sede electrónica municipal permite acceder, mediante unha certificación electrónica, aos datos personalizados sobre padrón, taxas ou impostos, e tamén dá a opción de conseguir duplicados ou recibos destes documentos.
Por último, a sede electrónica vai dispoñer dun espazo para a tramitación de documentos e xestións, que se prevé sexa a que rexistre un maior uso telemático.•

Deixa unha resposta

Your email address will not be published.

Nova Anterior

Entroido doce en Bóveda co VI Concurso de Postres

Seguinte Nova

O Museo do Ferrocarril de Galicia, referente en España na conservación do patrimonio industrial ferroviario

Últimas noticias sobre INICIATIVAS

A %d blogueros les gusta esto: