O Courel promocionarase como espazo imán para atraer visitantes á comarca de Quiroga

•Deste xeito, o Courel sumarase ao Plan de Promoción do Patrimonio Natural, ao que xa pertence o espazo Ribeira Sacra-Canóns do Sil

O delegado da Xunta en Lugo, José Manuel Balseiro, e a directora xeral de Patrimonio Natural, Ana María Díaz, na presentación do Plan de Promoción do Patrimonio Natural. GPXG
O delegado da Xunta en Lugo, José Manuel Balseiro, e a directora xeral de Patrimonio Natural, Ana María Díaz, na presentación do Plan de Promoción do Patrimonio Natural. GPXG
• O Courel promocionarase como un dos espazos-imán de Galicia dentro do Plan de Promoción do Patrimonio Natural. Esta iniciativa da Xunta de Galicia, que inclúe un total de 17 enclaves de toda a Comunidade, ten como obxectivo transformar estes espazos naturais nun atractivo para impulsar e dinamizar o patrimonio natural da súa contorna máis próxima.
LUGO CONTARÁ CON 5 ESPAZOS-IMÁN, ADEMAIS DO DA RIBEIRA SACRA, COMPARTIDO CON OURENSE
Segundo explicou a directora xeral de Patrimonio Natural, Ana María Díaz, os espazos imán defínense como zonas destacadas polo seu alto valor patrimonial  e por ser os enclaves naturais máis coñecidos e recoñecidos tanto polos galegos como polas persoas que visitan Galicia. Neste sentido, a provincia de Lugo vai ter 5 espazos-imán, unha vez que se engada O Courel aos Ancares Lucenses, Montes de Navia, Cervantes e Becerreá, e o Monumento Natural Praia das Catedrais, ademais de compartir con Ourense o espazo Ribeira Sacra-Canóns do Sil.
“EFECTO IMÁN” PARA LEVAR AOS VISITANTES NUN RADIO DE 30 E 50 QUILÓMETROS ARREDOR DO ENCLAVE
Díaz, que estivo acompañada polo delegado da Xunta en Lugo, José Manuel Balseiro, destacou as características deste Plan. A directora xeral precisou que os espazos-imán ofrecen aos visitantes “a oportunidade de vivir unha experiencia turística desde o punto de vista sostible”, combinando a observación da natureza co deporte activo, a historia e o patrimonio material e inmaterial. Todo isto, no propio espazo-imán pero tamén na súa contorna, nunha área comprendida entre os 30 e 50 quilómetros arredor do enclave natural. O Plan trata de “aproveitar as sinerxias” para levar aos visitantes destes puntos ás vilas e pobos de arredor, explicou Díaz.
PRETO DE 30 DE ACTUACIÓNS NOS PRÓXIMOS 4 ANOS
A directora xeral explicou que o Plan durará 4 anos, ao longo dos cales vanse desenvolver 29 actuacións, con 4 millóns de euros. Díaz precisou que o Plan ten 3 eixos, que inclúen a posta en valor do patrimonio natural, a promoción en feiras e con paquetes turísticos, e a educación ambiental e divulgación dos recursos naturais de Galicia.•

Deixa unha resposta

Your email address will not be published.

Nova Anterior

O Museo do Ferrocarril de Galicia, referente en España na conservación do patrimonio industrial ferroviario

Seguinte Nova

O Concello de Quiroga organiza o Xeocampo de Traballo Ruta da Encomenda

Últimas noticias sobre INFRAESTRUCTURAS

A %d blogueros les gusta esto: