O deseño do monfortino José Carlos Quiroga Losada ilustrará o cartel da XXXVII Feira do Viño de Amandi

O xurado estivo composto polos creadores Humberto Loureiro Argullos, Doa Ocampo Álvarez e Alejandro José Ciurluini. GPCS
O xurado estivo composto polos creadores Humberto Loureiro Argullos, Doa Ocampo Álvarez e Alejandro José Ciurluini. GPCS

• A XXXVII Feira do Viño de Amandi promocionarase cun deseño monfortino. O traballo realizado por José Carlos Quiroga Losada, veciño da parroquia de Gullade, foi o gañador do concurso de carteis que convoca anualmente o Concello de Sober co gallo desta celebración.
O xurado, composto polos creadores Humberto Loureiro, Doa Ocampo e Alejandro Ciurluini, escolleu por unanimidade o deseño de Quiroga Losada dun total de 38 traballos presentados a concurso, procedentes de varios puntos de España. A decisión do xurado incluíu a mención como accesits finalistas aos carteis da soberina Ana Santiso Vilar, veciña de Sistín do Mato, na parroquia de Canaval, e de Edith Nieves Sánchez, veciña da parroquia da Estación na Pobra do Brollón.
O gañador recibirá un premio en metálico de 600 euros, e os autores recoñecidos con accesit terán un premio de 100 euros e diploma, ademais de ser destacados na exposición do conxunto dos traballos.
O cartel gañador presentarase oficialmente o vindeiro 4 de marzo en Doade.•

Deixa unha resposta

Your email address will not be published.

Nova Anterior

Aprobadas novas melloras na estrada de Sober a Doade

Seguinte Nova

Os alcaldes de Sarria e Monforte, na Asamblea do 25º aniversario do Eixo Atlántico

Últimas noticias sobre CULTURA

A %d blogueros les gusta esto: