•A Deputación «tende a man» á Xunta para constituír os 3 xeodestinos pendentes, xa que non consideran como tal ao da Mariña •O delegado da Xunta valorou positivamente a vontade do organismo provincial, aínda que subliñou que «son os concellos os que deciden sobre o proxecto»
• A comezos deste mes, iniciouse na provincia de Lugo unha ronda de encontros de traballo para a elaboración do Plan Estratéxico de Turismo da Deputación. A estas mesas, promovidas polo organismo provincial, están chamados a participar un total de 200 colectivos. En relación a esta iniciativa, o deputado de Turismo, Eduardo Vidal Baamonde, destacou que a elaboración deste Plan «segue unha metodoloxía participativa». O deputado explicou que o Goberno provincial «tende a man» ao Executivo autonómico para colaborar no impulso dos 4 grandes xeodestinos turísticos, para poder solucionar «as grandes eivas que presenta a nosa provincia e que lastran o desenvolvemento turístico».
Vidal lembrou que é a Xunta a Administración galega con competencias directas en materia de turismo, e como tal definiu en 2011 os 4 xeodestinos da provincia de Lugo: Lugo-Terra Chá, Ancares-Courel, Ribeira Sacra e Mariña Lucense. O deputado lembrou que, na actualidade, só está constituído o da Ribeira Sacra, mentres que o da Mariña Lucense, recoñecido pola Xunta, non o considera xeodestino, xa que a Mancomunidade de Municipios alí constituída «non é unha entidade xestora, senón o resultado dun esforzo dos concellos para a xestión conxunta de servizos municipais».
Eduardo Vidal criticou que a Xunta non convocara á Deputación na reunión mantida cos alcaldes o 1 de marzo de cara á constitución do xeodestino Ancares-Courel.
Vidal lembrou que é a Xunta a Administración galega con competencias directas en materia de turismo, e como tal definiu en 2011 os 4 xeodestinos da provincia de Lugo: Lugo-Terra Chá, Ancares-Courel, Ribeira Sacra e Mariña Lucense. O deputado lembrou que, na actualidade, só está constituído o da Ribeira Sacra, mentres que o da Mariña Lucense, recoñecido pola Xunta, non o considera xeodestino, xa que a Mancomunidade de Municipios alí constituída «non é unha entidade xestora, senón o resultado dun esforzo dos concellos para a xestión conxunta de servizos municipais».
Eduardo Vidal criticou que a Xunta non convocara á Deputación na reunión mantida cos alcaldes o 1 de marzo de cara á constitución do xeodestino Ancares-Courel.
TRABALLO CONXUNTO
Pola súa banda, o delegado da Xunta en Lugo, José Manuel Balseiro, explicou que a Xunta pretende que a totalidade do territorio teña cobertura nun xeodestino para «incrementar a demanda turística».
Balseiro lembrou que Turismo de Galicia colabora co xeodestino da Ribeira Sacra cunha achega anual de 100.000 euros, e destina 80.000 euros á Mancomunidade da Mariña. Así mesmo, o delegado da Xunta destacou «a boa acollida» dos responsables municipais á proposta para poñer en marcha os xeodestinos Lugo-Terra Chá e Ancares-Courel, aos que a Xunta está a aportar asesoramento técnico nesttes primeiros pasos. Balseiro afirmou que a Xunta ten un papel «impulsor», a través de axudas económicas, pero que «son os concellos os que deciden sobre o proxecto».
José Manuel Balseiro destacou que, en materia de turismo, «é importante sumar esforzos», polo que valorou positivamente o interese da Deputación sobre os xeodestinos, aínda que require que o organismo provincial concrete o seu compromiso económico.•
Pola súa banda, o delegado da Xunta en Lugo, José Manuel Balseiro, explicou que a Xunta pretende que a totalidade do territorio teña cobertura nun xeodestino para «incrementar a demanda turística».
Balseiro lembrou que Turismo de Galicia colabora co xeodestino da Ribeira Sacra cunha achega anual de 100.000 euros, e destina 80.000 euros á Mancomunidade da Mariña. Así mesmo, o delegado da Xunta destacou «a boa acollida» dos responsables municipais á proposta para poñer en marcha os xeodestinos Lugo-Terra Chá e Ancares-Courel, aos que a Xunta está a aportar asesoramento técnico nesttes primeiros pasos. Balseiro afirmou que a Xunta ten un papel «impulsor», a través de axudas económicas, pero que «son os concellos os que deciden sobre o proxecto».
José Manuel Balseiro destacou que, en materia de turismo, «é importante sumar esforzos», polo que valorou positivamente o interese da Deputación sobre os xeodestinos, aínda que require que o organismo provincial concrete o seu compromiso económico.•
