•Balseiro salientou a importancia da remodelación da antiga escola infantil para este uso, ao que se destinaron máis de 230.000 euros

• O delegado territorial da Xunta en Lugo, José Manuel Balseiro, lembrou en Chantada a importancia de dotar ao medio rural con servizos que atendan á demanda dos colectivos e entidades. O pasado 13 de marzo, Balseiro visitou o centro de día da vila do Asma, ao que puxo como “exemplo da utilidade social das axudas do Plan Leader”, xestionadas polos Grupos de Desenvolvemento Rural (GDR). Neste caso, o GDR Miño-Ulloa apoiou a remodelación e acondicionamento dunha antiga escola infantil, cunha aportación de 233.440,15 euros para axudar a financiar o custe total da actuación, que ascendía a 303.169,01. Nesta cifra, está incluída tanto a obra como a adquisición do equipamento para o centro de día.
Segundo precisou Balseiro, a actuación permitiu aumentar o número de prazas deste servizo, pasando de 25 a 49, ademais de poñer en servizo un ben municipal que estaba en desuso, aforrando custes tanto en alugueiros como en financiamento de obra nova.•