•A adega chantadina Via Romana presentou en Santiago esta novidade no eido vinícola de Galicia

• A comezos de marzo, presentouse na Fundación Eugenio Granell de Santiago de Compostela o Via Romana añada mencía 2015, que ten a particularidade de ser o primeiro viño con certificado vegano producido en Galicia.
Este viño é a última creación da adega chantadina Via Romana, e o resultado da búsqueda permanente da calidade e da innovación, señas de identidade desta firma, segundo explicou o director xeral de Via Romana, Juan Luis Méndez. Esta liña de traballo culminou na concesión á adega chantadina de tres medallas na última competición do Catavinum World Wine, certame no que participaron 2.481 viños procedentes de 17 países.
RESPECTO AO MENCÍA E AO PROCESO VEGANO
Segundo destacou Juan Luis Méndez, a innovación e a apertura a novos mercados “levaron a Via Romana a elaborar un mencía vegano, co máximo respecto ao medio ambiente e á sostibilidade”. No proceso de elaboración empregouse un clarificante proteico vexetal, “aínda que respectando todas as características do noso mencía”, precisou Juan Luis Méndez.
Este viño emprega o chícharo como clarificante vexetal, cumplindo o estricto proceso que marca a Unión Vegetariana Española para que o produto final non perda as súas propiedades organolépticas. Ademais, o viño permaneceu un mínimo de 8 meses en depósito e outros 6 en botella antes de saír ao mercado.•