Preto do 60% dos lucenses maiores de 65 anos vacináronse contra a gripe nesta campaña

• Continúa a tendencia ascendente en número de vacinados nesta banda de idade nos últimos dous anos

A vacinación dos maiores de 65 anos continúa a tendencia ascendente rexistrada dende a campaña do 2014-2015. Arquivo EC
A vacinación dos maiores de 65 anos continúa a tendencia ascendente rexistrada dende a campaña do 2014-2015. Arquivo EC

• As vacinacións contra a gripe na provincia de Lugo rexistraron un aumento nos diversos grupos poboacionais. Unha vez rematada a campaña deste ano, o delegado da Xunta en Lugo, José Manuel Balseiro, informou do balance desta iniciativa da Consellería de Sanidade na nosa provincia.
A campaña rematou cun total de 57.842 doses administradas entre os lucenses de 65 anos, o que supón unha cobertura do 59,87% neste grupo de idade. Balseiro precisou que esta cifra implica un crecemento sostido durante os dous últimos anos, rexistrándose dous puntos de incremento en cada exercicio. O delegado territorial explicou que, ao igual que o ano pasado, o subgrupo con maior cobertura foi o das persoas cos 75 anos cumplidos, dos que se vacinaron o 66,4%, .
No tramo de 54 a 60 anos, a taxa de vacinados na nosa provincia foi do 25,30%, cun total de 5.477 persoas.
Entre o persoal sanitario, vacináronse 909 persoas, sendo os médicos de atención hospitalaria o grupo máis numeroso, xa que recibiron a vacina o 40,19%.
Ata o 5 de marzo, rexistráronse na provincia un total de 255 ingresos hospitalarios con gripe confirmada, dos que 17 faleceron.•

Deixa unha resposta

Your email address will not be published.

Nova Anterior

Monforte copa as medallas de ouro alevín no Campionato de España de taekwondo

Seguinte Nova

Quiroga ultima o programa das Feiras que ensalzan os seus produtos

Últimas noticias sobre GALERÍA

   
A %d blogueros les gusta esto: