Colaboración entre a Fundación TIC e a AECC para sensibilizar na loita contra o cancro

•Asinado o convenio entre a Deputación e a Asociación Española contra o Cancro de Lugo

A presidenta da AECC de Lugo, Mariluz Abelleira, e o patrón da TIC e deputado de Relacións Institucionais, Álvaro Santos, na sinatura do convenio o pasado 23 de marzo. GPDL
A presidenta da AECC de Lugo, Mariluz Abelleira, e o patrón da TIC e deputado de Relacións Institucionais, Álvaro Santos, na sinatura do convenio o pasado 23 de marzo. GPDL
• O 23 de marzo, tivo lugar na sede da Asociación Española Contra o Cancro en Lugo a sinatura do convenio entre esta entidade social e a Fundación TIC, dependente da Deputación de Lugo. No acto participaron a presidenta do colectivo social, Mariluz Abelleira, e o patrón da TIC e deputado de Relacións Institucionais, Álvaro Santos. Con este convenio de colaboración, preténdese dar maior visibilidade ao labor que realiza a Asociación Española Contra o Cancro na provincia na loita contra esta enfermidade.
MAÍS DIFUSIÓN AUDIOVISUAL DAS CAMPAÑAS DA AECC EN MEDIOS E REDES SOCIAIS
Segundo explicou Álvaro Santos, con este convenio a TIC da Deputación vai contribuir a que as campañas desta asociación cheguen a un maior número de persoas, a través da divulgación de audiovisuais en redes sociais e medios de comunicación, “buscando sumar esforzos e recadar fondos para paliar unha das principais causas de morte en España”.
HÁBITOS SAUDABLES
Os participantes na sinatura do convenio precisaron que a primeira acción vinculada a este acordo foi a gravación íntegra e posterior difusión do taller de alimentación saudable que a Asociación Española Contra o Cancro de Lugo realizou o 29 de marzo na cafetería do persoal do Hospital Universitario Lucus Augusti de Lugo. Esta actividade estivo dirixida a pacientes oncolóxicos e aos seus familiares, e nela participaron un profesional do Colexio Galego de Nutricionistas, e un cociñeiro do hospital lucense, que preparou en directo un menú axeitado para cubrir as necesidades nutricionais de persoas con tratamento oncolóxico.•

Deixa unha resposta

Your email address will not be published.

Nova Anterior

Os máis cativos de Pantón aprenden o respecto á natureza

Seguinte Nova

Monforte completou a rolda de reunións para a elaboración do Plan Estratéxico de Turismo da Deputación

Últimas noticias sobre ASOCIACIONISMO

A %d blogueros les gusta esto: