Continúa o apoio do CB Breogán aos colectivos sociais da provincia

• O CB Breogán segue a desenvolver as campañas de concienciación social en apoio dos colectivos da provincia. Nesta ocasión, foi a quenda da Asociación de Parkinson de Lugo, «un soporte fundamental para enfermos e familias», segundo precisou o deputado de Deportes, Pablo Rivera, na presentación da campaña. O club lucense desenvolve esta tarefa de concienciación social no marco do contrato de patrocinio coa Deputación. O obxecto destas accións é promover a provincia e impulsar a integración social, igualdade, solidariedade, compañeirismo e superación a través do baloncesto.•