•Renovación do convenio entre Xunta e ADEGA para o Proxecto Ríos

• A finais do mes pasado, a conselleira de Medio Ambiente, Beatriz Mato, anunciou que a Xunta está a iniciar os trámites para a creación do primeiro observatorio dos ríos galegos. Mato adiantou que neste organismo estarán representadas a administración, a sociedade civil e as institucións do ámbito académico. A conselleira fixo estas declaracións logo da sinatura de renovación do convenio coa presidenta da Asociación para a Defensa Ecolóxica de Galicia (ADEGA), Virxinia Rodríguez, para o desenvolvemento do Proxecto Ríos. Mato invitou a esta entidade a sumarse ao observatorio dos ríos galegos.
O convenio entre ADEGA, o Instituto de Estudios do Territorio e Augas de Galicia ten un importe de 50.000 euros, e o seu obxectivo é dar a coñecer o papel fundamental dos ríos, e achegar á cidadanía práticas e comportamentos de mantemento e mellora dos ríos.•