• O alcalde de Monforte, José Tomé, anunciou este mes melloras na rede de saneamento e no funcionamento da depuradora de Piñeira. Os traballos desenvolveranse no tramo dereito das beirrarúas da rúa Calvo Sotelo, e na marxe esquerda da rúa Valle Inclán.
Segundo precisou o alcalde, as melloras suporán a renovación do colector actual, que carece de xuntas e isto permite a entrada de auga na rede. Tamén se renovará parte das acometidas, sen entrar nos edificios. Os traballos inclúen a realización de pozos de rexistro do colector e varios desaugues. O Concello está a tramitar os permisos á Confederación Hidrográfica, a Consellería de Infraestruturas e ADIF, antes de proceder a licitar a obra.
O importe é de 258.826 euros, con cargo ao orzamento de 2016, financiados con fondos propios e aportacións da Deputación a través do convenio asinado en xullo pasado.•
