• A agricultura ecolóxica continúa a gañar peso na economía de Galicia, cun importante crecemento o ano pasado. A conselleira de Medio Rural, Ángeles Vázquez, e o presidente do Consello Regulador da Agricultura Ecolóxica de Galicia (CRAEGA), José Antonio Fernández, presentaron o balance de 2016. Os datos amosan que o volume de negocio medrou por riba do 25%, ata os 41,7 millóns de euros. Segundo o balance, a superficie total certificada polo CRAEGA aumentou ata as 27.000 hectáreas, preto dun 36,5% más que en 2015. Estas cifras supoñen, como explicou Vázquez, que os ingresos xerados pola agricultura ecolóxica se multiplicaron por 140 dende o ano 1999.
A conselleira anunciou que a Xunta seguirá apoiando ao sector, con axudas de 4,3 millóns de euros nos próximos anos, dentro do Plan de fixación da poboación no rural, para aumentar en 8.000 hectáreas a superficie adicada á agricultura ecolóxica.•
