A Ribeira Sacra acadou máximos históricos de ocupación na Semana Santa

•O Consorcio de Turismo Ribeira Sacra apunta ao bo tempo, as festas da contorna e a intensa actividade promocional como claves deste éxito

As festas e eventos, como a Feira Medieval de Monforte, funcionan como atractivos para o turismo de Semana Santa na Ribeira Sacra. Arquivo EC.

•Segundo o Consorcio de Turismo, estes datos supoñen un incremento superior ao 22% respecto a 2016

• A ocupación hoteleira na Ribeira Sacra durante a Semana Santa superou todas as previsións, e acadou máximos históricos, segundo datos emitidos polo Consorcio de Turismo Ribeira Sacra. Nos días previos á Semana Santa, a ocupación media foi do 73%, cifra que se incrementou ata o 89% do Xoves Santo ao Domingo de Pascua. En termos xerais, a ocupación medrou por encima do 22% respecto á Semana Santa de 2016.
OS HOTEIS, A OPCIÓN MÁIS DEMANDADA NA COMARCA DE LEMOS
Por tipoloxía de establecementos, na comarca de Lemos o turismo rural rexistrou unha ocupación do 81%, sendo do 82% nos hoteis de tres e catro estrelas, e do 55% no resto de establecementos. No resto do territorio, as cifras foron lixeiramente inferiores. Pola súa banda, na zona ourensá da Ribeira Sacra a ocupación foi do 100% no turismo rural, do 98% nos hoteis de tres e catro estrelas, e do 68% no resto de establecementos.
BO TEMPO, DINAMIZACIÓN E PROMOCIÓN, AS CLAVES DESTE ÉXITO
Dende o Consorcio de Turismo, apuntaron como factores deste incremento o bo tempo,  e a data máis tardía da Semana Santa, ademais de salientar o efecto das accións promocionais que desenvolve este organismo, como o programa televisivo “Volando Voy” adicado á Ribeira Sacra, ou as reportaxes publicadas en diferentes medios e canles nacionais. Ademais, o Consorcio destacou a importancia do “traballo de todo o territorio, e o aumento do compromiso co desenvolvemento turístico”. Por último, salientaron o efecto chamada de eventos como as Feiras do Viño de Sober e Quiroga, a Feira Medieval de Monforte, e Feira do Augardente de Portomarín.•

•268 PERSOAS PARTICIPARON DAS ACTIVIDADES ORGANIZADAS POLO CONSORCIO DE TURISMO

•Minería Aurífera: 100%. O visitante medio foi de procedencia nacional, entre 30 e 50 anos de idade.
•Viñobús: 100%. O perfil medio do usuario é de 28 a 55 anos, de procedencia nacional.
•Rutas do Románico: sumaron 128 visitantes, nunha actividade sen reserva de praza. A máis demandada foi a ruta Pantón-Sober, e a do Saviñao. O perfil do visitante foi galego, cunha idade entre 35 e 50 anos.•

Deixa unha resposta

Your email address will not be published.

Nova Anterior

O Clúster de Turismo de Galicia elixiu Lugo para iniciar a súa xira promocional por Galicia

Seguinte Nova

Melloras en estradas de Láncara por máis de 400.000 euros

Últimas noticias sobre ASOCIACIONISMO

A %d blogueros les gusta esto: