• A Ribeira Sacra dará un novo paso na súa aspiración a ser Patrimonio da Humanidade. O presidente da Xunta de Galicia, Alberto Núñez Feijóo, vçen de anunciar que o Executivo galego iniciará este verán os trámites para declarar á Ribeira Sacra como Ben de Interese Cultural (BIC), paso previo para poder solicitar á UNESCO a súa consideración como Patrimonio da Humanidade.

FEIJÓO APELA Á «RESPONSABILIDADE E COMPROMISO» DE TODAS AS ADMINISTRACIÓNS
O mandatario galego fixo este anuncio durante a súa visita ao Mosteiro de San Pedro de Rocas, en Esgos, o pasado 8 de maio. Núñez Feijóo precisou que a Ribeira Sacra van contar coas máximas garantías de protección dende o inicio dos trámites deste proceso. Así mesmo, o presidente da Xunta amosou a súa confianza «na responsabilidade e no compromiso» de todas as administracións implicadas «para acadar o éxito neste obxectivo».

AMPLO TERRITORIO
O mandatario autonómico lembrou que a Ribeira Sacra abrangue 21 concellos das provincias de Lugo e Ourense, cunha extensión de máis de 36.000 hectáreas de terreo, que suman máis de 200.000 parcelas.

TRAMITACIÓN COA UNESCO
Núñez Feijóo anunciou que a Xunta remitirá este ano á UNESCO a documentación necesaria para iniciar os trámites da candidatura da Ribeira Sacra a Patrimonio da Humanidade. •