A XVII Carreira Popular Rota do Románico celebrarase en Pantón o 27 de maio pola tarde

• O sábado 27 de maio pola tarde, terá lugar a décimo sétima edición da Carreira Popular Rota do Románico, unha das citas do running no sur de Lugo, e organizada polo Concello de Pantón dentro dos actos promocionais en torno á Mostra do Viño e o ciclo da Rota do Románico.
CATEGORÍAS MENORES DENDE AS 6 DA TARDE
A proba comezará cos percorridos das categorías menores, a partir das 18,00 horas. Haberá catro categorías, con distancias que varían entre os 50 metros da categoría mini, para os nados despois de 2012, e os 1.100 metros da categoría que agrupa aos nados entre 2002 e 2004. Todos os participantes recibirán unha medalla conmemorativa.
INSCRICIÓN NAS CATEGORÍAS MENORES ATA O 25 DE MAIO
As inscricións deberán realizarse por correo electrónico no enderezo culturapanton@hotmail.com, ou presencialmente no Edificio Sociocultural de Ferreira. O prazo remata o 25 de maio.
PROBA ABSOLUTA
A carreira absoluta sairá ás 19,00 horas, cun percorrido de 6,27 quilómetros. A recollida de dorsais e chips realizarase o mesmo día da proba, diante do Edificio Sociocultural de Ferreira, en horario de 16,30 a 18,30 horas. As inscricións deberán formalizarse on line a través da web www.championchipnorte.com, antes do xoves 25 de maio.
Establécense cinco categorías, con premio para os tres primeiros corredores e corredoras clasificados. A organización ofrecerá avituallamento final para todos os participantes que rematen a proba.•

Deixa unha resposta

Your email address will not be published.

Nova Anterior

Monforte celebrará o Festival de Viños da Ribeira Sacra no verán

Seguinte Nova

Jesús Rodríguez, presidente de Novas Xeracións do Partido Popular de Sarria

Últimas noticias sobre ASOCIACIONISMO

A %d blogueros les gusta esto: