161 lucenses en paro comezaron a traballar dentro do programa Ben Empregado 3

•Na zona sur, 24 persoas incorpóranse a 18 empresas e 3 colectivos sen ánimo de lucro, e na comarca de Sarria hai 15 novos traballadores neste programa

O presidente da Deputación recibiu en San Marcos aos 161 lucenses que empezaron a traballar en 145 empresas e colectivos co programa Ben Empregado 3, a finais do mes de maio. GPDL
• Os programas que a Deputación de Lugo ten en marcha para estimular o emprego e a formación entran nunha nova fase de actuación. Estes mes, 161 persoas desempregadas da provincia empezan a traballar en 145 empresas e colectivos sen ánimo de lucro de 51 concellos lucenses, dentro do programa Ben Empregado 3.
UN PROGRAMA MÁIS SOCIAL
A Deputación destina a esta iniciativa 2,5 millóns de euros, financiando a contratación destes traballadores durante un ano, con especial atención a persoas con capacidades diferentes ou en risco de exclusión social. A aportación provincial tamén cubre a dotación do equipamento necesario para que as persoas con capacidades diferentes poidan desenvolver o seu traballo. Ademais, o programa incrementa as cláusulas sociais que protexen os dereitos dos traballadores, e a Deputación aumenta o control para garantir o seu cumprimento.
REPARTO XEOGRÁFICO
Por zonas, na comarca de Sarria son 15 as persoas que empezarán a traballar dentro do Ben Empregado 3, nos municipios de Sarria, O Incio, Láncara e Triacastela. Na zona sur, 24 desempregados comezan a traballar en 18 empresas e 3 colectivos, nos municipios de Bóveda, Chantada, Monforte de Lemos, Pantón, A Pobra do Brollón, Quiroga, Ribas de Sil, O Saviñao, Sober e Taboada.
Pola súa banda, A Montaña incorpora 14 novos traballadores, A Ulloa 3, e A Mariña 29, rexistrándose 76 beneficiarios na zona Centro.•

Deixa unha resposta

Your email address will not be published.

Nova Anterior

Preto de 50 equipos das categorías base participaron na Copa Deputación de Baloncesto

Seguinte Nova

Pantón pon en valor o seu patrimonio nas XXX Xornadas da Rota do Románico

Últimas noticias sobre EDUCACION

A %d blogueros les gusta esto: