• A axenda de eventos musicais do Círculo Saviñao ofreceu en xuño un excepcional programa doble. O día 10, a sociedade recreativa de Escairón foi etapa na ruta de promoción de “La Canción de la Carretera Tour”, que está a realizar por toda España o cantautor murciano Muerdo. Baixo este nome artístico traballa o poeta e compositor Paskual Kantero, que debutou en solitario co álbum “Flores entre el acero”, cuxa calidade foi recoñecida por destacados compositores e intérpretes como Luis Eduardo Aute. Na velada do día 10, Muerdo estivo acompañado pola cantora mexicana Tyna Rosa.
O sábado 17, o auténtico blues encheu a sociedade de Escairón coa actuación de Red House. Jeff Spinoza, que fora cantante da Vargas Blues Band, e o guitarrista Francisco Simón, amosaron un amplo repertorio da mellor música norteamericana.•
