• A piques de tomar vacacións, os deportistas do club Neka afrontan o sábado 24 a derradeira competición dun curso no que xa suman 84 medallas, con 27 ouros, 17 pratas e 40 bronces. “Un ano espectacular, alucinante” é a descripción que fai José Mª Vega, adestrador do Neka, para resumir unha tempada marcada pola abundancia de podios e a aposta por desafíos cada vez máis altos. Este foi o segundo ano en competición europea para os monfortinos, que ademais lograron subir ao podio co bronce conseguido en marzo no Open de Bélxica polo trío junior de José Roca, Carlos Rey e Carlos Fernández, competindo coa selección galega.
Respecto ao combinado autonómico, o club monfortino conta cunha elevada presenza, que se cifra en 15 deportistas dentro da selección, e con Vega como membro do equipo técnico.
En canto a podios, os deportistas do Neka completaron un exitoso curso a nivel galego e nacional. En marzo, Laura Álvarez proclamouse campiona de España de técnica, e o trío de Roca, Rey e Fernández lograban ser terceiros de España, ademais de gañar o bronce no Open nacional días despois.
Os de Neka tamén arrimaron o ombreiro no Open de Marina d’Or para que a selección galega lograra o ouro a nivel nacional en abril, e o bronce na categoría absoluta.
Así mesmo, a calidade dos deportistas do club monfortino quedou de manifesto noutro dos fitos desta tempada. En novembro, acadaban 18 medallas a nivel autonómico na “mellor Copa Xunta de Galicia que fixemos na historia do Neka”.•
Cargando ...
