•A Xunta presentou aos alcaldes o plan de acondicionamento de vías •As axudas custearán o total dos gastos subvencionables agás o IVE •O plan executarase ao longo dos vindeiros dous anos
• A Consellería de Medio Rural ofrecerá aos concellos da provincia de Lugo máis de 4,1 millóns de euros para acometer melloras nos camiños rurais de titularidade municipal. O plan de acondicionamento de vías foi presentado aos alcaldes a primeiros deste mes polo director xeral de Desenvolvemento Rural, Miguel Pérez Dubois, acompañado polo delegado da Xunta en Lugo, José Manuel Balseiro.
FINANCIAMENTO DO PLAN
Pérez Dubois explicou que o plan vai permitir a mellora de preto de 650 quilómetros de vías rurais municipais en toda Galicia ao longo dos vindeiros dous anos, cunha dotación total para a nosa Comunidade de 16 millóns de euros. A Xunta subvencionará a totalidade dos gastos subvencionables, mentres que os concellos deberán aboar o importe correspondente ao IVE.
En canto ao reparto dos fondos, Pérez Dubois salientou que as cantidades foron consensuadas coa Federación Galega de Municipios e Provincias (FEGAMP), baseándose sobre todo na poboación ou na ruralidade.
Pérez Dubois explicou que o plan vai permitir a mellora de preto de 650 quilómetros de vías rurais municipais en toda Galicia ao longo dos vindeiros dous anos, cunha dotación total para a nosa Comunidade de 16 millóns de euros. A Xunta subvencionará a totalidade dos gastos subvencionables, mentres que os concellos deberán aboar o importe correspondente ao IVE.
En canto ao reparto dos fondos, Pérez Dubois salientou que as cantidades foron consensuadas coa Federación Galega de Municipios e Provincias (FEGAMP), baseándose sobre todo na poboación ou na ruralidade.
DENTRO DO PLAN PARA FIXAR POBOACIÓN
O director xeral precisou que este plan facilitará o acceso a predios e explotacións agroforestais, e tamén a núcleos de poboación. Pérez Dubois destacou que estas medidas están integradas no obxectivo xeral do Goberno galego de fixar poboación no rural e mellorar a calidade de vida dos habitantes, a partir de estratexias de cohesión territorial. Este plan forma parte do Plan de fixación dotado con 231 millóns de euros.•
O director xeral precisou que este plan facilitará o acceso a predios e explotacións agroforestais, e tamén a núcleos de poboación. Pérez Dubois destacou que estas medidas están integradas no obxectivo xeral do Goberno galego de fixar poboación no rural e mellorar a calidade de vida dos habitantes, a partir de estratexias de cohesión territorial. Este plan forma parte do Plan de fixación dotado con 231 millóns de euros.•
• REPARTO DO PLAN NO SUR DE LUGO
Bóveda: 45.733,16€ Carballedo: 75.020,48€ Chantada: 78.861,75€ Folgoso do Courel: 45.079,64€ O Incio: 60.247,72€
Láncara: 67.215,50€ Monforte de Lemos: 73.737,40€ Pantón: 79.266,37€ Paradela: 58.217,94€ O Páramo: 44.068,20 €
A Pobra do Brollón: 51.389,91€ Quiroga: 57.416,04€ Ribas de Sil: 30.343,50€ Samos: 48.834,39€ Sarria: 85.518,08€
O Saviñao: 77.371,03€ Sober: 70.862,44€ Taboada: 70.383,28€ Triacastela: 35.731,30€.•
