O 12 de xuño, tivo lugar no Hostal dos Reis Católicos de Santiago a presentación do Festival do Viño da Ribeira Sacra. O acto contou coa participación do presidente do Consello Regulador da Denominación de Orixe Ribeira Sacra, José Manuel Rodríguez, o alcalde de Monforte, José Tomé, o alcalde de Pantón, José Luis Álvarez, e as deputadas autonómicas do sur de Lugo Julia Rodríguez e Paula Vázquez, entre outras autoridades.
O evento serviu para dar a coñecer en toda Galicia este novo evento enolóxico da Ribeira Sacra, que se celebrará en Monforte entre os días 14 e 17 de xullo.
