Quiroga comeza o verán co Night Trail e o Campus de Fútbol

O concelleiro de Deportes de Quiroga, Andrés Novoa Arza, e o responsable da Área de Deportes da Deputación, Pablo Rivera Capón, presentaron as actividades deportivas. GPDL
• O deporte será o protagonista nos eventos que abren o verán de Quiroga. O sábado 8 de xullo terá lugar o II Night Trail, e do 10 ao 15 de xullo desenvolverase en Quiroga o XI Campus de Fútbol.
As actividades foron presentadas no Pazo de San Marcos de Lugo polo concelleiro de Deportes de Quiroga, Andrés Novoa Arza, e o responsable da Área de Deportes da Deputación, Pablo Rivera Capón.
8.000 EUROS DA DEPUTACIÓN
O organismo provincial colaborou coa organización destes eventos cunha achega económica de 8.000 euros, que serviu tamén para financiar outras actividades deportivas en Quiroga, como o Día da Bicicleta ou a Carreira Popular Feira do Viño de Quiroga. Segundo destacou Pablo Rivera, a Deputación «é a única administración, xunto co propio Concello, que colabora con estes dous eventos deportivos».
DEPORTE PARA TODAS AS IDADES EN QUIROGA
Pola súa banda, Andrés Novoa sinalou o «grande interese» que desperta a carreira nocturna de Quiroga en toda a provincia. O II Night Trail sairá ás 22,15 horas, cun trazado por sendeiros de montaña nas modalidades de carreira e andaina. Así mesmo, o XI Campus de Fútbol de Quiroga ofrecerá a 40 rapaces e rapazas entre 5 e 15 anos a posibilidade de praticar este deporte, ademais de disfrutar de xogos e actividades de piscina.•

Deixa unha resposta

Your email address will not be published.

Nova Anterior

Concertos, rutas enolóxicas e obradoiros infantís no Festival do Viño da Ribeira Sacra

Seguinte Nova

En marcha os XII Xogos do Eixo Atlántico

Últimas noticias sobre ASOCIACIONISMO

A %d blogueros les gusta esto: