Convenio para aproveitar 300 hectáreas abandoadas na comarca de Lemos

•Deste xeito, a Consellería de Medio Rural e a Fundación Juana de Vega completarán o proxecto «Mobilización de terras no Val de Lemos»

A conselleira, Ángeles Vázquez, e o presidente da Fundación Juana de Vega, Enrique Sáenz, asinaron o convenio o 23 de xuño. GPXG
• O aproveitamento de preto de 300 hectáreas de terreo abandonado na comarca de Lemos é o obxectivo do proxecto «Mobilización de terras no Val de Lemos», impulsado pola Xunta de Galicia e a Fundación Juana de Vega. Para completar este proxecto, a Consellería de Medio Rural e a Fundación veñen de asinar un convenio de colaboración por un importe de máis de 61.000 euros, vixente ata finais de 2018.
EVITAR O ABANDONO E POÑER EN USO AS TERRAS POR QUEN AS NECESITE
O proxecto regula o uso e aproveitamento de parcelas con vocación agraria, para evitar o seu abandono e de poñelas a disposición das persoas que precisen terreos para aumentar a base territorial das súas explotacións agrícolas, gandeiras, forestais, ou con fins de conservación da natureza e do patrimonio.
AS GRANXAS DE VACÚN DE LEITE, AS MÁIS INTERESADAS
Ao longo do proxecto, determináronse as zonas piloto nos seis municipios da comarca de Lemos, e identificouse a demanda, centrada principalmente en granxas e cooperativas de vacún de leite, aínda que con algunha presenza de explotacións de vacún de carne e horta.
Na seguinte fase, a Xunta realizará a mediación entre propietarios e persoas interesadas na explotación das parcelas, a través sobre todo de arrendamentos para establecer as garantías xurídicas necesarias para as dúas partes.
OUTRAS FÓRMULAS XA EN MARCHA PARA REORGANIZAR O TERREO
Este proxecto vén a sumarse a outras liñas de actuación que está a desenvolver a Consellería de Medio Rural para poñer en valor as terras baldías. Por unha banda, a reestruturación parcelaria ten como obxectivo reorganizar máis de 110.000 hectáreas en toda Galicia. Por outra, o modelo Marcos axiliza a concentración parcelaria, a través de cesións voluntarias entre propietarios sen cambios na titularidade.
Así mesmo, o Banco de Terras ofrece preto de 12.500 parcelas cun total de 5.800 hectáreas, e as Unidades de Asesoramento e Xestión de Explotacións fomentan o movemento de terras e activos entre explotacións, sobre todo no caso de gandeiros que se van xubilar.•

Deixa unha resposta

Your email address will not be published.

Nova Anterior

O Concello de Monforte proxecta un novo sistema para evitar verquidos en Aceña Nova

Seguinte Nova

O Concello acometeu a limpeza da lagoa do Parque dos Condes

Últimas noticias sobre ASOCIACIONISMO

     
A %d blogueros les gusta esto: