• O Goberno local de Monforte presentou un proxecto para eliminar un punto de verquido no río Cabe á altura de Aceña Nova.
PUNTO DE CONTAMINACIÓN
Segundo explicaron o alcalde, José Tomé, e o concelleiro de Servizos, José Luis Losada, instalarase un novo pozo de bombeo para impulsar as augas residuais cara o colector xeral de Carude, o que suporá a eliminación dunha fosa séptica entre Aceña Nova e o Cabe. «O aumento de poboación na zona con ocupación de novas vivendas agravaría o problema se non lle poñemos remedio», subliñou Tomé, en referencia a este «episodio de contaminación que vén dende hai moitos anos». O rexedor apuntou que esta actuación forma parte do Plan de Redución de Verquidos que puxo en marcha o seu equipo de Goberno.
O alcalde precisou que o proxecto tamén inclúe as actuacións precisas para incorporar as instalacións eléctricas, así como toda a obra civil que implica a colocación do pozo prefabricado e a tubaxe de bombeo.
O Goberno local destina 66.617,68 euros a esta obra, que xa conta cos permisos da Confederación Hidrográfica Miño-Sil. Segundo explicou o alcalde, os traballos licitaranse conxuntamente coas obras de saneamento da contorna da rúa de San Pedro, Valle Inclán e Calvo Sotelo. A previsión é que estas obras estean adxudicadas en setembro.•
Segundo explicaron o alcalde, José Tomé, e o concelleiro de Servizos, José Luis Losada, instalarase un novo pozo de bombeo para impulsar as augas residuais cara o colector xeral de Carude, o que suporá a eliminación dunha fosa séptica entre Aceña Nova e o Cabe. «O aumento de poboación na zona con ocupación de novas vivendas agravaría o problema se non lle poñemos remedio», subliñou Tomé, en referencia a este «episodio de contaminación que vén dende hai moitos anos». O rexedor apuntou que esta actuación forma parte do Plan de Redución de Verquidos que puxo en marcha o seu equipo de Goberno.
O alcalde precisou que o proxecto tamén inclúe as actuacións precisas para incorporar as instalacións eléctricas, así como toda a obra civil que implica a colocación do pozo prefabricado e a tubaxe de bombeo.
O Goberno local destina 66.617,68 euros a esta obra, que xa conta cos permisos da Confederación Hidrográfica Miño-Sil. Segundo explicou o alcalde, os traballos licitaranse conxuntamente coas obras de saneamento da contorna da rúa de San Pedro, Valle Inclán e Calvo Sotelo. A previsión é que estas obras estean adxudicadas en setembro.•
