• O pasado 29 de agosto, o conselleiro de Cultura, Román Rodríguez, achegouse a Escairón para asinar un convenio de colaboración co alcalde do Saviñao, Joaquín González, para a mellora do Auditorio deste municipio. O convenio, por importe de 40.000 euros, servirá para financiar os traballos de mantemento e reparación de paramentos e mobiliario que presentan deterioro, co obxectivo de facilitar o uso das instalacións e a axeitada realización de actividades neste espazo. Pola súa banda, o Concello encargarase da tramitación e execución das obras.
Segundo explicou o conselleiro, o Auditorio Municipal de Escairón é un equipamento cultural de alta demanda, nun concello de preto de 4.000 habitantes, e que acolle todo tipo de actividades ao longo do ano. A iniciativa da Xunta forma parte das liñas de actuación de Cultura para garantir unhas instalacións de calidade e o acceso á cultura en igualdade de condicións.•
Últimas noticias sobre ECONOMÍA
O pasado 8 de marzo tivo lugar no Polígono dos Acivros a celebración do 3ª aniversario
A Asociación Cosmética Galega (ACG) comeza o seu camiño co impulso de vinte e dúas empresas
A candidata número 6 do PP de Lugo ao Parlamento de Galicia, Raquel Arias, destacou o
O Concello de Sober vén de aprobar os seus orzamentos para o ano 2024, cun importe
A AIE Ribeira Sacra Next, fundada hai un ano, está a expandir a súa rede de