•Dous profesionais axudan aos afectados a tramitar expedientes cos servizos centrais da Consellería, evitándolles desprazamentos •Tamén dan información sobre as axudas no caso da perda da vivenda por impagos
• A Consellería de Política Social vén de poñer en marcha en Lugo unha oficina de asesoramento para os afectados por desfiuzamentos. Segundo informou o delegado da Xunta na provincia, José Manuel Balseiro, este servizo atópase na planta baixa do Edificio Administrativo da propia Delegación, e conta con dous traballadores.
COORDINACIÓN ENTRE ORGANISMOS
Balseiro precisou que esta iniciativa forma parte do programa Reconduce, no que participan un total de cinco departamentos autonómicos. Ademais, implica a organismos como o Consello Xeral do Poder Xudicial e a Federación Galega de Municipios e Provincias, en virtude do convenio que suscribiron coa Xunta de Galicia para aplicar medidas de protección ante os desfiuzamentos.
Balseiro precisou que esta iniciativa forma parte do programa Reconduce, no que participan un total de cinco departamentos autonómicos. Ademais, implica a organismos como o Consello Xeral do Poder Xudicial e a Federación Galega de Municipios e Provincias, en virtude do convenio que suscribiron coa Xunta de Galicia para aplicar medidas de protección ante os desfiuzamentos.
TRÁMITES E AXUDAS
A oficina do programa Reconduce dá información ás persoas que estean en risco de perder a súa vivenda, para axudarlles a tramitar os expedientes cos servizos centrais da Xunta, e que non teñan que desprazarse sen necesidade. Así mesmo, na oficina aportan todos os datos sobre as diversas axudas que a Administración pon ao servizo dos cidadáns para facer fronte a estes problemas. O delegado en Lugo lembrou que estas axudas inclúen o bono de alugueiro social, o censo de vivendas baleiras, ou o asesoramento xurídico gratuíto, ademais de poder entrar no programa RehaVita, que facilita o acceso á vivenda para os cidadáns con menos recursos.
RESPOSTA «ÁXIL E ADECUADA A CADA CASO»
No anuncio da posta en marcha en Lugo da oficina do programa Reconduce, José Manuel Balseiro destacou a intención da Xunta de «ofrecer un servizo próximo ao cidadán, que proporcione unha resposta áxil e adecuada a cada caso». Trataríase de «poñer freo ou, cando menos, ofrecer alternativas á cidadanía» nunha situación que Balseiro cualificou de «drama».•
RESPOSTA «ÁXIL E ADECUADA A CADA CASO»
No anuncio da posta en marcha en Lugo da oficina do programa Reconduce, José Manuel Balseiro destacou a intención da Xunta de «ofrecer un servizo próximo ao cidadán, que proporcione unha resposta áxil e adecuada a cada caso». Trataríase de «poñer freo ou, cando menos, ofrecer alternativas á cidadanía» nunha situación que Balseiro cualificou de «drama».•
•Entrega dunha vivenda social á familia de Monforte afectada por un incendio en setembro
• A finais de outubro, a Xunta entregou unha vivenda en Monforte á familia que perdera o seu fogar nun incendio ocurrido en setembro. O delegado da Xunta en Lugo foi o encargado de formalizar a entrega das chaves aos novos usuarios destas vivenda de promoción pública. O inmoble, que foi adxudicado de xeito directo na modalidade de aluguer, ten unha superficie de algo máis de 78 metros cadrados, con catro dormitorios, cociña, baño e comedor.•
