Inaugurado o novo local social da parroquia monfortina de Sindrán

O alcalde de Monforte, José Tomé, e a tenente de alcalde, Gloria Prada, participaron na festa de inauguración do novo local social en Sindrán, situado no lugar de Eirexe, a finais de outubro. GPCM

• O pasado 21 de outubro, tivo lugar a inauguración do novo local social da parroquia de Sindrán, no municipio de Monforte de Lemos. O edificio, situado no lugar de Eirexe, conta cunha superficie de 114 metros cadrados, dos que algo máis de 78 corresponden á sala de reunións. Os restantes 18 metros inclúen o porche de acceso ao local.
SINDRÁN, DAS PARROQUIAS MÁIS POBOADAS E CON GRAN ACTIVIDADE VECIÑAL
O alcalde de Monforte, José Tomé, e membros da corporación asistiron á festa de inauguración. O rexedor explicou que o local «vén cubrir unha carencia que existía», e cualificou esta obra de «indubitable interese público», porque dará un servizo aos numerosos veciños de Sindrán. Esta parroquia, situada na periferia do municipio, é unha das que conta con maior poboación no municipio, cunha importante actividade veciñal.
O alcalde de Monforte insistiu na importancia deste tipo de dotacións, que melloran a prestación de servizos no rural e contribúen á dinamización social «ofrecendo un espazo de reunión para todos os veciños».
O investimento no novo local de Sindrán foi de algo máis de 76.200 euros.•

Deixa unha resposta

Your email address will not be published.

Nova Anterior

Julia Rodríguez demandou ante Paradores que acondicionen a contorna do edificio de Monforte

Seguinte Nova

O Círculo Saviñao continúa como referente dinamizador da comarca de Lemos

Últimas noticias sobre ASOCIACIONISMO

     
A %d blogueros les gusta esto: