Os máis novos, protagonistas do baloncesto en Sarria nas ligas Xogade

• O sábado 9 de decembro, celebrouse no pavillón do Novo Chanto de Sarria a primeira xornada das ligas escolares de nivel comarcal, dentro do programa autonómico Xogade. O programa está promovido pola Federación Galega de Baloncesto e a Xunta de Galicia, e a organización do evento sarriao, nas categorías BabyBasket e Liga Xogade, estivo a cargo do CB Sarria.
A xornada deportiva contou coa participación dunha trintena de nenos e nenas dos colexios sarriaos Frei Luis de Granada, La Merced e La Asunción, e do CEIP Antonio Fernández López do Oural, así como deportistas das categorías base do CB Sarria.•