Sober ofrece unha ampla axenda de eventos para o Nadal

Adornos tradicionais do Nadal elaborados nun dos obradoiros infantís que organiza cada ano a Biblioteca de Sober. GPCS
• As actividades que o Concello de Sober ofrece para o Nadal comezan con viño e cultura. O 15 de decembro, o Centro Sociocultural acolle ás 12 a presentación de dous viños espumosos feitos en Sober, e pola tarde, ás seis, a sesión participativa sobre os nomes de lugar no municipio, dentro do programa Toponimízate da Xunta de Galicia.
CONCERTO SOLIDARIO DE NADAL
O día 17 ás seis terá lugar o Concerto Solidario de Nadal, a cargo da Escola de Música de Sober. O evento, que se celebrará no Centro Sociocultural, participarán o Coro Infantil, a Banda Xuvenil, o Coro Berea, a Banda de Música de Sober, e os escolares do Colexio e do Punto de Atención á Infancia (PAI). Os asistentes poderán aportar un quilo de alimentos non perecedeiros por persoa.
Para dar comezo ás vacacións, o día 21 os escolares do colexio e do PAI celebrarán o remate do trimestre cunha festa.
MERENDAS CON CONTOS NO NADAL
Tamén para os máis cativos, as Merendas con Contos ofrecerán na Biblioteca Municipal un Nadal de Cine o martes 26 ás cinco e media. O 3 de xaneiro voltarán cunha sesión de música a cargo do grupo O Trícole, nunha sesión na que haberá chocolate con churros, e se entregarán os premios dos certames de Nadal.
Os máis cativos disfrutarán da maxia do Mago Deimi o 27 ás seis, e o 28 celebrarase a Festa Infantil de Nadal con inchables, música e obradoiros a partir das catro e media.
As festas rematarán cos Reis Magos, que saudarán aos nenos do PAI o día 5 de xaneiro ás doce.•

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

En prazo para deseñar o cartel que anunciará a XXXVIII Feira do Viño de Amandi

Seguinte Nova

112 operarios e 64 máquinas darán servizo no Plan Invernal da Deputación

Últimas noticias sobre EVENTOS

Ir aInicio

Don't Miss