• O Círculo Saviñao amosa ata o 11 de marzo as fotografías que Mar López Sotelo realizou sobre os esgrafiados do Saviñao. A inauguración da mostra tivo lugar o 11 de febreiro, coa asistencia de socios e veciños de Escairón, que puideron observar a riqueza de exemplos da técnica do esgrafiado con que conta o seu municipio.
Segundo destacou o presidente do Círculo Saviñao, Enrique Sampil, durante a inauguración da mostra, as fotografías de López Sotelo dan constancia dun patrimonio “ignorado no mellor dos casos, e case sempre invisible para as comunidades rurais onde se atopan”. Sampil gabou a importancia deste tipo de traballos para “contribuír á conservación e difusión” dos esgrafiados, “técnica centenaria que aporta máis personalidade e beleza á paisaxe da Ribeira Sacra”.•
Cargando ...
